Дренажды массаж
Дренажды массаж – жөтелген кезде жазылуды жылдамдататын ең жақсы тәсіл. Массаждың осы бір ерекше түрі дем алу жолдарының мускулатурасын нығайтады, қан айналымын күшейтеді және ағзаның жалпы жағдайының жақсаруына ықпал етеді.
Дренажды массаждау алдында:
- Емдеуші дәрігерден кеңес алыңыз.
- Дененің қатты қызып тұрмағанына көз жеткізіңіз.
- Асқыну бар болған кезде дренажды массажды жасамаған жөн.
- Дренажды массаж жасатар алдында тамақтанбаған жөн. Массаж жасатудың ең жақсы уақыты – таңертең ашқарынға және кешке ұйықтар алдында.
- Массаж техникасын дәл сақтау керек.
Дренажды массажды қанша рет жасау керек?
- Дренажды массажды қалауынша күніне 2 мәрте жасаған жақсы.
- Емдеудің орташа курсы 10 күнді құрайды.
Өкпенің жоғарғы бөлігін тазалау:
Іште:
- Баланы жазық жерге 30 градус бұрышта ішімен жатқызыңыз.
- Алақанды кесе түріне келтіріп аздап бүгіңіз.
- Жеңіл қимылмен арқадан төменнен-жоғарыға қарай бұғана мен жауырын арасынан сол және оң жақтан жәйлап шапалақтап бастаңыз.
Арқада:
- Баланы жазық жерге 30 градус бұрышта жатқызыңыз.
- Алақанды кесе түріне келтіріп аздап бүгіңіз.
- Жеңіл қимылмен төменнен-жоғарыға қарай бұғана мен әрбір емшек арасынан шапалақтап бастаңыз.
Өкпенің төменгі бөлігін тазалау:
Нәрестелер үшін:
- Бөбекті қырынан жатқызыңыз.
- Бас баланың денесінен төмен орналасу керек.
- Алақанды кесе түріне келтіріп аздап бүгіңіз.
- Нәрестенің қолтығының астынан жәйлап қағуды бастаңыз.
1 жастан кейінгі балалар үшін:
- 1 жастан кейінгі балалар үшін дренажды массаждауды қырынан, ішінен және арқасынан жатқызып жасауға болады.
- Басыңыз баланың денесінен төмен 30 градуста орналасу керек.
- Алақанды кесе түріне келтіріп аздап бүгіңіз.
- Дренажды массажды қырынан жатқызып жасау: нәрестенің қолтығының астынан жәйлап қағуды бастаңыз.
- Дренажды массажды ішіне жатқызып жасау: төменгі қабырғалары мен қолтықтың артқы бөлігін жағалап жәйлап қаға бастаңыз.
- Дренажды массажды шалқасынан жатқызып жасау: өкпе тұсының ортасынан, емшек тұсы мен өкпеден төмен жерді жәйлап қаға бастау керек.
